Aktori Tom Cruise është dorëzuar para Koronavirusit, teksa ka ndërprerë xhirimet në Venecia të filmit “Mission: Impossible 7”.
Xhirimet janë ndërprerë për shkak të shpërthimit në masë të Koronavirusit në Itali, ku përveç veriut, tashmë është prekur edhe jugu.
Sipas mediave amerikane, pjesa e shtatë e serive të ‘Paramount Picture’ kishte në program për të xhiruar në Venecia për rreth tre javë, por për shkak të Koronavirusit që ka pushtuar Italinë, janë shtyrë edhe xhirimet e filmit.
Italia momentalisht numëron rreth 7 viktima nga Koronavirusi, ndërsa numri i të prekurve ka arritur në 270.
Kjo ka bërë që epidemia të prekë çdo fushë të jetës, dhe në këtë rast botën e filmit, ku aktori i njohur i Hollywoodit nuk do të mund të xhirojë filmin e tij “Mission: Impossible 7”.
