Nga raportimet e medias italiane mësojmë se 11 persona kanë humbur jetën ndërkohë që 322 rezultojnë të prekur; ky është bilanci aktual në Itali nga koronavirusi.
Kreu i Mbrojtjes Civile në Itali, Angelo Borrelli, raportoi pasditen e sotme se numri i të infektuarve nga koronavirusi ka arritur në 322 persona.
Saktësisht 240 raste dhe 9 viktima janë në Lombardi, 43 raste dhe dy të vdekur në Veneto, 26 raste në Emilia Romagna, 3 në Piemonte, 3 në Lazio, 3 në Siçili, 2 në Toskanë, një në Alto Adige dhe një tjetër në Liguria.
Ndërkohë që sot janë shënuar edhe 4 viktima të reja. Mësohet se ato janë mbi 75 vjeç. Edhe pse nuk ka detaje rreth identitetit të tyre, lajmi është i konfirmuar zyrtarisht.
