Zëvendësministri iranian i shëndetësisë është infektuar me Koronavirus. Zyratarët e Ministrisë kanë konfirmuar rastin.
“Testi i koronavirusit për Harirchi, zëvendësministër i Shëndetësisë që ishte në vijat e frontit duke luftuar koronavirusin, ishte pozitiv,” tha Alireza Vahabzadeh, këshilltare për media në Ministrinë e shëndetësisë në Iran.
Iraj Harirchi kollitej herë pas here dhe dukej se po djersitej gjatë një konference për shtyp të hënën me zëdhënësin e qeverisë Ali Rabiei. 
Gjatë konferencës zëvendësministri mohoi pretendimet se 50 njerëz kanë vdekur nga virusi në qytetin shiit të Qom, duke thënë se ai do të “jepte dorëheqjen” nëse provohet që është vërtetë.
Në Iran janë konfirmuar edhe tre vdekje të tjera dhe 34 të infektuar vetëm për ditën e sotme ndërsa numri i përgjithshëm i vdekjeve ka arritur në 15 dhe të infektuar 95.
