Presidenti Ilir Meta i cili do të mbajë tubimin e 2 marsit ndaj mazhorancës qeverisëse në bulevardin Dëshmorët e Kombit ku do të firmosë edhe dekretin për shpërndarjen e parlamentit, po kërkon mbështetje tek çdo figurë me autoritet publik.
Kështu edhe sot, Ilir Meta ka gjetur shpëtimin e ditës, tek publicisti Kim Mehmeti. Duke përdorur fjalët e Kim Mehmetit, Ilir Meta ka adresuar një mesazh për të gjithë me anë të zëdhënësit të tij Tedi Blushi.
Sipas Kim Mehmetit, ‘Shqipëria është shndërruar në një pronë private e ‘Rilindjes’ dhe vetë Piktorit Edi Rama, ndërkaq shqiptarët në të janë si pengje të rrezikuar, që më kot presin shpëtim nga vendet e Perëndimit”.
“Të gjithë tellallëve të puçit kushtetues, që nxisin diversione të rëndomta për Manifestimin Mbarëkombëtar të 2 marsit do t’ju përgjigjesha vetëm me këtë arsye madhore për pjesëmarrje masive, që jep një personalitet i madh i kombit tonë dhe me integritet të jashtëzakonshëm, Kim Mehmeti: “Shqipëria e ka pru punën deri aty sa shtetin duhet ta mbrosh nga pushteti, gjë që u ndodh vendeve të marra peng nga strukturat kriminale. Dhe ato shtete janë pronë e regjimit e jo e popullit. Shqipëria prej moti është bërë pronë e ‘Rilindjes’ së Piktorit, ndërkaq shqiptarët në të janë si pengje të rrezikuar, që më kot presin shpëtim nga vendet e Perëndimit”. Ndaj të gjithë për shtetin kundër puçit të pushtetit! ?? #PërKushtetutën #PërRepublikën #PërShqipërinë #PërKombin”, shkruan zëdhënësi i Metës, Tedi Blushi në Facebook-un e tij.
