Lyoni do të presë sot Juventusin në takimin në kuadër të raundit të 16 të Champions League.
“Zonja e Vjetër” do të udhëtojë në drejtim të Francës për ndeshjen e orën 21:00 që do të zhvillohet në “Olympic Parc” të Lyonit.
Këto dy skuadra janë ndeshur gjatë gjithë historisë pesë herë, ndërsa italianët kanë statistika pozitive duke regjistruar katër fitore dhe një barazim.
Skuadra e drejtuar nga trajneri Maurizio Sarrit llogaritet të jetë favorit, pasi vendasit kanë mungesa të shumta në formacion.
Pavarësisht kësaj, teknikët e të dyja skuadrave kanë vendosur që ta startojnë ndeshjen me formacionet më të mira të mundshme.
Formacionet e mundshme:
Lyon: Lopes; Tete, Andersen, Denayer, Marcal; Tousart, Mendes; Traore, Aouar, Terrier; Dembele
Juventus: Szczesny; Danilo, Bonuçi, Chiellini, Sandro; Ramsey, Bentancur, Matuidi; Cuadrado, Dybala, Ronaldo./Fjala.al/
