Ditën e premte në orën 19:00 në stadiumin “Air Albania” do të luhet derbi midis Tiranës dhe Partizanit.
Deri më tani raportohet të jenë shitur plot 14 mijë bileta që zënë plot 80% të vendeve të stadiumit dhe deri ditën e nesërme pritet që të ketë shitje të tjera që mund të çojnë në mbushjen e “Air Albanias” në kapacitetet e plota të saj.
Partizani do të ketë në dispozicion vendet pas portës me drejtim nga liqeni, quajtur ndryshe Vasillaq Zëri dhe gjysmën e tribunës kryesore, ndërsa Tirana do të ketë në dispozicion pjesën tjetër të stadiumit.
Ndërsa klubi i Tiranës u ka bërë thirrje tifozëve që të ruajnë gjakftohtësinë dhe mos dëmtojnë stadiumin apo ambientet përqark, përndryshe do të vuajnë pasojat./Fjala.al/
