Koronavirusi ka rezultuar me pasoja të rënda për Italinë, nga ku kanë humbur jetën 14 persona dhe janë konfirmuar si të prekur 528 të tjerë midis të cilëve një lojtar i Pianese-s.
Skuadra në fjalë luan për Serinë C, në provincën e Sienës dhe renditet e parafundit me vetëm 24 pikë.
Lajmi për lojtarin është bërë publik nga “Sport Mediaset”, i cili raporton se 22-vjeçari identiteti i të cilit nuk bëhet publik ka shfaqur shenjat e para të këtij virusi gjatë grumbullimit me ekipin e tij fundjavën e shkuar, në një hotel në Alesandria.
Temperatura e lartë dhe ethet kanë bërë që ai të futet vullnetarisht në karantinë ku qëndron i shtruar dhe në izolim në spitalin e Sienës.
Ky lajm ka shqetësuar së tepërmi klubin e Pianese-s, pasi një tjetër lojtarë kishte shfaqur të njëjtat simptoma dhe virusi mund të ketë prekur të gjithë skuadrën./Fjala.al/
