Gazetari dhe historiani Erald Kapri deklaroi se Nexhmije Hoxha ishte bashkëpërgjegjëse për ndërtimin e sistemit komunist në Shqipëri dhe krimeve që ai sistem kreu.
I ftuar në Ora News, Kapri thekson se trashëgimia që la pas Nexhmije Hoxha është kriminale. Ai tha se gjatë komunizmit u prish sistemi i vlerave në Shqipëri, duke cenuar “kodin e nderit” të shqiptarit, pasojat e të cilit ne i vuajmë ende.
Pak çaste më parë u bë publik dhe testamenti i Nexhmijes. Mua më bëri përshtypje që ajo sërish nuk gjeti dot kurajën për të kërkuar falje për atë që la pas. Ajo dhe i shoqi i saj janë përgjegjës për dramën më të madhe të kombit shqiptar.
“Shqipëria përjetoi një nga diktaturat më të egra, me pasoja që ne ende i vuajmë sot. Në Shqipëri ne kemi pasur të vrarë pa gjyq, të internuar pa vendime. Kjo tregon për natyrën tribale të sistemit komunist. Edhe po ta krahashosh nuk asnjë lloj ngjashmërie.
Shqipëria ka qenë një lloj “Koreje Veriore” të Evropës. Në përfundim të sistemit komunist Shqipëria ka qenë një nga tre vendet më të varfra të globit. Ne krahasoheshim ndoshta me Angolën. Nexhmije Hoxha la pas një trashëgimi të rëndë kriminale. Është një rast për t`u studiuar.
Shqiptarët kanë pasur një “kod nderi”, ku ka një detaj të rëndësishëm ku është paprekshmëria e gruas. Sot ne po shohim dhe vrasjen e gruas. Kjo do të thotë se në komunizëm u shkatërrua sistemi i vlerave duke krijuar “njeriun e ri”. Kjo është e gjitha trashëgimi që nga regjimi që ndërtoi Nexhmija dhe bashkëshorti i saj,” deklaroi Kapri.
