Plani i 71-vjeçarit që vrasja e gruas së tij të dukej si incident shokoi mediat ndërkombëtare.
Bëhet fjalë për Peter Rex Dansie i cili vrau bashkëshorten e tij Helen, për të krijuar një lidhje me një kineze që e kishte njohur në internet.
Australiani e kishte mbytur gruan e tij duke e shtyrë atë me gjithë karrocë në një liqen teksa ishin duke shëtitur në një park publik në Adelaide.
Ai kishte pritur derisa të errësohej dhe kur shumica e njerëzve ishin larguar për ta shtyrë në ujë gruan. Më pas ai kishte hyrë edhe vetë në ujë duke u përpjekur të dukej sikur po tentonte ta ndihmonte.
Por mbi versionin e tij u ngritën dyshime kur u zbulua se para se të hynte në ujë kishte lënë në makinë orën e dorës dhe portofolin, për të cilat gjykatësi i çështjes David Lovell tha se autori nuk donte t’i lagte.
67 vjeçarja Helen, ish-mikrobiologe lëvizte vetëm me karrocë invalidësh që kur pësoi një goditje cerebrale në vitet 1990-të.
Prokurorët thanë se Dansie nuk donte të kujdesej më për gruan e tij të sëmurë dhe bisedonte online me një grua në Kinë me të cilët kërkonte të kishte një lidhje.
Dansie kishte prerë biletat e avionit dhe një ditë para se ai të largohej policia kontrolloi shtëpinë e tij dhe gjeti një valixhe të mbushur me kondomë, Viagra, lodra seksi dhe të brendshme grash.
“Kjo ishte një vrasje e ftohtë, e planifikuar, ju vratë gruan tuaj që duhet të kishte mbështetej të plotë”, tha gjykatësi para se ta dënonte me 25 vjet burg.
