“Propozova një projektligj që ka të bëjë me verifikimin e kandidatëve për deputet nëse kanë qenë ish bashkëpunëtorë të sigurimit të shtetit” kështu u shpreh për mediat, bashkëkryetarja e Komsionit për Reformën Zgjedhore Rudina Hajdari. Deputetja Hajdari tha se ka ardhur koha të kemi një lustracion të kandidatëve dhe se propozimi është kryer mbi bazën e një modeli polak.
“Mendoj se është hap i mirë, është një propozim që ka ardhur me një model polak. Kemi gjetur një dakordësi, është hap i mirë për të pastruar politikën në ata persona që kanë patur gisht në internime. Kemi rënë dakord edhe për përdorimin e teknologjisë gjatë procesit, ka disa problematika në mënyrën teknike, palët po punojnë dhe ekspertët do vihen në punë për aplikimin e teknologjisë në zgjedhjet e ardhshme.” tha Hajdari.
Propozimet e Hajdarit:
Vendosjen si kusht të kandidimit për vetëdeklarimin e marrëdhënies me Sigurimin e Shtetit nga çdo kandidat për deputet dhe kryebashkiakë, duke plotësuar formularin e Autoritetit për Informim mbi Dosjet e Ish-Sigurimit të Shtetit.
Verifikimin e të gjithë kandidatëve përpara zgjedhjeve dhe përjashtimin nga gara të të gjithë atyre që vertetohet se kanë qenë bashkëpunëtorë.
Mbarimin e mandadit për çdo kryebashkiak apo deptuet që vertetohet pas zgjedhjes se ka qënë bashkëpunëtor i ish-Sigurimit.
