Pas vendimit të UEFA-s, Manchester City mund të marrë një dënim tjetër,k këtë herë nga Premier League.
Drejtuesit e kampionatit më të madh të futbollit në Angli do shqyrtojnë heqjen e pikëve të City-t pas pretendimeve të UEFA-s për shkeljen e Fair Play Financiar.
“Daily Mail” raporton se City po përballet me një hetim të trefishtë nga drejtuesit e Premier League-s. Ky hetim mund të çojë në sanksione të mëtejshme brenda kampionatit, nëse CAS do të vendosë pro UEFA-s.
Drejtuesit e Premier League-s kanë filluar të shikojë praktikat e kontabilitetit dhe të rekrutimit të City-t të një viti më parë, pas hetimit të Fair Play Financiar të UEFA-s, i cili vendosi t’i jepte njëndalim dy vjeçar dhe një gjobë prej 30 milionë eurosh.
Premier League ka punuar me firmën juridike ‘Bird & Bird’ për të mbledhur prova për City-n në një hetim, që po zhvillohet në mënyrë të pavarur nga klubet e tjera, të cilët nuk do të kenë ndikim nëse ata do të përballen me akuza.
Sanksionet nga ky hetim mund të përfshijnë një gjobë me para, një embargo transferimi ose një zbritje pikësh./Fjala.al/
