Shtatë nxënës janë helmuar në orën e kimisë gjatë punës në laborator. Ngjarja ka ndodhur sot në mesditë në shkollën mesme ‘Janaq Kilica’. Një reaksion kimik ka shkaktuar panik tek nxënësit e një shkolle në Fier, ku për pasojë disa prej tyre janë helmuar.
Ngjarja ka ndodhur në shkollën e mesme ‘Janaq Kilica’. Burime nga policia bëjnë të ditur se 7 nxënës janë helmuar gjatë laboratorit në orën e lëndës së Kimisë, ku diçka ka rezultaur gabim, duke sjelle reaksionin kimik. Mësohet se këta nxënës kanë dalë nga klasa të asfiksuar dhe më pas janë dërguar me urgjencë në spitalin e Fierit.
