Skuadra e Bayer Munchin ka shkatërruar me rezultatin 0-6 ekipin e Hoffenheim në takimin e javës së 24-t të Bundesligës.
Cikli i golave ka filluar që në minutën e 2-ë të lojës, moment kur Serge Gnarby zhbllokoi rezultatin, më pas ishte Joshua Kimmich dyfishuesi i golave në minutën e 7-ë të lojës, për t’u kthyer në tripletë nga Joshua Zirkzee në minutën e 15.
Pjesa e parë e këtij takimi u mbyll me plot 4 gola pasi Philipe Coutinho shënoi në minutën e 33-të të këtij takimi.
Fraksioni i dytë i kësaj ndeshje do të sillte edhe dy gola të tjerë për bavarezët duke e çuar shifrën në 6 në total dhe duke i shkatërruar akoma më shumë kundërshtarët e tyre.
Ishte po Coutinho ai që do të shënonte golin e 5 të skuadrës dhe të dytin të tijin,ndërsa Leon Goretzka shënoi golin e 6 dhe të fundit për kampionët e Gjermanisë.
Mirëpo përveç rezultatit diçka që ka tërhequr vëmendjen e të gjithëve dhe ka ndërprerë për disa minuta këtë takim ishte një banderolë e nxjerrë nga tifozët e Bayern në minutën e 78-ë të lojës.
Në atë banderolë ishte një shkrim kundër pronarit të Hoffenheim, Dietmar Hop dhe thuhej: “Dietmar Hopp mbetet një bir kurve”.
Lojtarët e Bayern dhe trajneri Hans Dieter Flick kanë ndërhyrë menjëherë dhe i kanë kërkuar tifozerisë së tyre që ta largojnë atë banderolë, mirëpo më pas mbështetësit e bavarezëve janë nxjerrë nga stadiumi. Vetëm pas këtij momenti takimi ka rifilluar sërish dhe është mbyllur me rezultatin 0-6./Fjala.al/
