Numri i viktimave nga protesta për reformën e ligjit të shtetësisë, në Indi, ka arritur në 46 dhe mijëra të tjerë janë arrestuar nga policia e kryeqytetit.
Përplasjet midis myslimanëve, hindusëve dhe policisë kanë shkatërruar shtëpi, dyqane, xhami dhe shumë makina janë djegur.
Tensionet midis grupeve ekstreme hindu dhe myslimane filluan që prej disa muajsh në momentin që ligji i ri për dhënien e shtetësisë u promovua nga kryeministri Narendra Modi, por dhuna shpërtheu një javë më parë me vizitën zyrtare të Donald Trump, shkruan lavanguardia.
Ligji për Ndryshimin e Shtetësisë sipas të cilit do ta përfitojnë qytetarët që vijnë nga Pakistani, Bangladeshi, Afganistani dhe që provojnë se u përkasin feve hindu, budiste, sikh, jain, parsi apo të krishterë. Por ky ligj ua mohon këtë të drejtë personave që u përkasin fesë myslimane. Kjo pasi qeveria indiane tha se këta persona nuk kanë nevojë për azil sepse nuk përndiqen në vendet e tyre.
Kryeministri Modi ka qëndruar i heshtur që nga fillimi i protestave, përveç një postimi në rrjetin social ‘Twitter’ në të cilin ai u bëri thirrje për qetësi e qytetarëve të Dehlit ./Fjala.al
