Në fund të fjalimit të tij përpara shqiptarëve në manifestimin e mbrëmjes së sotme Presidenti Ilir Meta ka bërë një sërë kërkesash. Një ndër to ka qenë për të mbyllur në mënyrë paqësore këtë tubim.
Meta u ka kërkuar të gjithë qytetarëve të mbledhur në Bulevardin “Dëshmorët e Kombit” që të mos i hedhin mimozat para institucioneve, simbolin e këtij tubimi, por që t’ia dhurojnë ata policëve kudo që t’i shikojnë.
“Asnjë mimozë mos hidhni të institucionet sepse mimozat nuk hidhen ato dhurohen, dhurojani policëve tani kudo që ndodhen.
Zëri i popullit zëri i zotit. Zoti e bekoftë Shqipërinë. Jemi popull shqiponjash dhe shqiponjat fluturojnë vetëm larg. Shqipëria si e gjithë Europa. Liri Demokraci”-ka qenë mbyllja e fjalimit nga Presidenti Meta në manifestimin e organizuar kundër qeverisë dhe siç thanë ata grushtit të shtetit./Fjala.al/
