Orges Shehi ka zhvilluar sot stërvitjen e parë si trajneri i ri i Kukësit. Shehi mori postin e teknikut të verilindorëve ditën e sotme, pasi të shtunën Shpëtim Duro u shkarkua nga stoli i Kukësit.
Përmes një postimi në faqen zyrtare të Kukësit në “Instagram” janë postuar foto të skuadrës gjatë stërvitjes së sotme me Shehin.
“
Skuadra ka zhvilluar sot stërvitjen e parë nën urdhërat e trajnerit Orges Shehi dhe ndihmësit, Rrahman Hallaçi! 
Ekipi zhvillon nesër stërvitjen e radhës dhe më pas udhëton në drejtim të Elbasanit ku grumbullohet për ndeshjen ndaj Vllaznisë!”-shkruhet në postim./Fjala.al/
