Kryeministri i Kosovës, Albin Kurti zhvilloi sot një takim në Prishtinë me ish-presidentin e Shqipërisë, Alfred Moisiu.
Zyra e kryeministrit të Kosovës njofton se, “Moisiu i uroi Kryeministrit Kurti punë të mbarë në qeverisjen e vendit. Ai shprehu kënaqësinë për arritjen e marrëveshjes së koalicionit dhe ardhjen në pushtet të opozitës, si një vlerë e re në fushën e politikës shqiptare. Ai nënvizoi se sfidat do të jenë të shumta dhe se terreni i vështirë kërkon ndershmëri dhe aftësi.”
Ndërsa në qëndrimet e Kurtit bie në sy fakti se ai flet për një rol që do të luajnë në të ardhmen ish-presidentit, por pa specifikuar se për çfarë bëhet fjalë
“Kurti shprehu, nga ana e tij, mirënjohjen për z. Moisiu, për pjesëmarrjen e ish-presidentëve në tryezat ndërkombëtare si dhe për rolin e tyre në të ardhmen. Biseda mes kryeministrit Kurti dhe ish-presidentit Moisiu ishte shumë e ngrohtë”, thuhet në njoftimin e Kryeministrisë.
