Sot në orën 17:00 Presidenti Ilir Meta ka thirrur në një protestë kundër qeverisë, pasi e akuzon kryeministrin Edi Rama për ‘grusht shteti’.
Në javët e fundit, Kreu i shtetit ka qenë mjaft aktiv duke postuar çdo ditë, dokumente dhe akuza që sipas tij vërtetojnë ‘grushtin e shtetit’ për kapjen e Gjykatës Kushtetuese, pasi iu hoq edhe e drejta ekskluzive e betimit të anëtarëve nëse nuk vepron për 10 ditë.
Sot parashikohet që Presidenti të firmosë edhe dekretin e paralajmëruar për kthimin e ligjit për rishqyrtim.
Gjithashtu pritet që Presidenti të riktheje në Kuvend edhe dividendin që ridenoncoi mbrëmë dhe që deklaroi se do ta çonte në SPAK. , Ilir Meta ka thirrur popullin në shesh.
Thirrjet e Metës për 2 marsin kanë filluar disa javë më parë. Presidenti është kujdesur që thirjen e tij taq përsërisë çdo ditë në media duke ftuar qytetarët që të bëhen pjesë e protestës.
Në faqen e Piramidës është afishuar një banderolë ku shkruhet “2 mars ora 17:00” si një ftesë dhe kujtim për çdo qytetar që kalon aty, e ndërsa janë vendosur edhe bokset, ekrani dhe podiumi, ku pritet që të flasë vetëm Presidenti.
Në krah të Ilir Metës, sot do të jenë Lulzim Basha dhe kryetare e LSI-së. Kryedemokrati konfirmoi mbrëmë atë që strukturave ua kërkoi ditë më parë që të dalin në bulevardin ‘Dëshmorët e Kombit’ për të mbrojtur Kushtetutën, pasi Meta i kërkoi Bashës “10 mijë veta në shesh”.
Ndërkohë, Ambasada Amerikane në Tiranë u kërkoi qytetarëve që sot të saj që të qëndrojnë larg sheshit, por kreu i shtetit reagoi menjëherë duke njoftuar se zhvilloi një takim në Presidencë me drejtuesit më të lartë të policisë së shtetit, ndërsa institucionet, tha ai, Kryeministrinë dhe Ministrinë e Brendshme do i mbrojnë aktivistët, të cilëve do u jepet nga një mimozë dhe një flamur kuqezi. /Fjala.al
