Presidenti i Kosovës, Hashim Thaçi, ka kërkuar që të raportojë në Kuvendin e Kosovës për takimin e zhvilluar sot në Shtëpinë e Bardhë me presidentin e Serbisë, Aleksandër Vuçiç. Në takim morën pjesë i dërguari special për dialogun Kosovë-Serbi, Richard Grenell, dhe Këshilltari për Siguri Kombëtare, Robert O’Brien.
Reagimi i Thaçit
Sapo përfundova një takim të përbashkët me Presidentin e Serbisë, Aleksandër Vuçiq, në Shtëpinë e Bardhë, me ftesë të emisarit special për dialogun ndërmjet Kosovës dhe Serbisë, Richard Grenell, ku i pranishëm ishte edhe Këshilltari për Siguri Kombëtare, Robert O’Brien.
Kosova është e bekuar me mbështetjen e Amerikës dhe Presidentit Trump.
Tani jam rrugës për në Kosovë. Pres që menjëherë, të mërkurën apo të enjten, të më mundësohet raportimi në Kuvendin e Republikës së Kosovës, për t’i njoftuar deputetët dhe qytetarët e Kosovës për takimet në Uashington dhe më specifikisht për takimin e sotëm.
Duke qëndruar të bashkuara institucionet, partitë politike dhe qytetarët, Kosova do të jetë edhe më e fortë.
SHBA është shpresa dhe besimi ynë. Jemi mirënjohës përjetë! HTH
