Media prestigjioze “New York Times” i ka dedikuar një shkrim të veçantë tubimit të thirrur nga Presidenti Ilir Meta, që u zhvillua mbrëmjen e sotme në Bulevardin “Dëshmorët e Kombit”.
Në raportimin e saj thuhet se mijëra shqiptar i janë përgjigjur thirrjeve të presidentit që akuzon qeverinë për shkelje të Kushtetutës dhe për lidhje me krimin.
“Mijëra shqiptarë janë mbledhur kundër qeverisë së majtë të vendit, duke iu përgjigjur një thirrje të presidentit i cili e akuzon për shkelje të kushtetutës dhe lidhje me krimin e organizuar.
Protesta e Ilir Metës u mbështet nga opozita, e cila dëshiron zgjedhje të reja për të zgjidhur krizën politike.
Meta akuzon qeverinë e Partisë Socialiste të Kryeministrit Edi Rama për shkeljen e kushtetutës së vendit duke tejkaluar fuqitë e saj, si dhe për marrjen e kompetencave të tij duke emëruar 9 kandidatë për gjashtë vendet e lira në Gjykatën Kushtetuese.
Trazirat politike vijnë ndërsa kombi i Ballkanit me afro 3 milionë njerëz ka miratuar reforma me shpresën për të marrë një dritë jeshile për të filluar bisedimet e anëtarësimit në BE”,-ka shkruar “New York Times”./Fjala.al/
