Komisioni i Disiplinës në Federatën Shqiptare të Futbollit ka dhënë 4 vendime për javën që u mbyll në kampionatet shqiptare.
Ndër to bie në sy se më shumë e kanë pësuar skuadra e Tiranës dhe ajo e Partizanit të cilat duhet të paguajnë gjoba për sjelljet e gabuara të tifozëve të tyre gjatë derbit.
Bardheblutë duhet të paguajnë një gjobë prej 500. 000 lekësh, ndërsa ekipi i Partizanit duhet të paguajë 300.000 mijë lekë të reja.
Vendimi i Komisionit të Disiplinës së FSHF datë 02.03.2020
- KF Tirana, për sjellje të gabuar të spektatorëve, në bazë të Neneve 65/1, 65/3/c) të KDS dhe Nenit 116 të Rregullores së Veprimtarisë Futbollistike dënohet me gjobë në masën 500.000 (pesëqind mijë) Lekë.
KF Tirana, urdhërohet të dëmshpërblejë dëmet e shkaktuara në sektorin përkatës të stadiumit “Air Albania Stadium” sipas akt konstatimit të Qendrës Sportive Kuq e Zi, brenda 15 ditëve.
- FK Partizani, për sjellje të gabuar të spektatorëve, në bazë të Neneve 65/2, 65/3c) të KDS dhe Nenit 116 të Rregullores së Veprimtarisë Futbollistike dënohet me gjobë në masën 300.000 (treqind mijë) Lekë.
FK Partizani, urdhërohet të dëmshpërblejë dëmet e shkaktuara në sektorin përkatës të stadiumit “Air Albania Stadium” sipas akt konstatimit të Qendrës Sportive Kuq e Zi, brenda 15 ditëve.
- KF Teuta, për sjellje të gabuar të spektatorëve, në bazë të Neneve 65/1/ dhe 65/3/c) të KDS dënohet me gjobë në masën 100.000 (njëqind mijë) Lekë.
- Pranimin e kërkesës së FK Egnatia, pezullimin e zbatimit të pjesës së mbetur të dënimit.
