Edhe dita e sotme do të vazhdojë të shoqërohet me një mot të paqëndrueshëm duke sjellë reshje shiu.
Sipas MeteoAlb, vendi vijon të jetë nën ndikimin e masave ajrore të paqëndrueshme në vendin tonë, të cilat do diktojnë vranësira të dendura dhe reshje shiu.
Në këtë mënyrë, këto kushte atmosferike do të mbeten gjatë gjithë ditës, herë pas here reshjet bëhen mesatare dhe lokalisht intensive.
Temperaturat e ajrit mbeten konstante në mëngjes dhe ulen mesditë duke luhatur vlerat ekstremale ditore nga 2°C në 18-19°C. Era do fryjë mesatare deri e fortë me shpejtësi deri në 55 km/h nga drejtimi jugor duke krijuar në det dallgëzim 4-5 ballë.
