Lëvizja Socialiste për Integrim ka reaguar nëpërmjet nënkryetarit Petrit Vasili për mbështetjen që Etilda Gjonaj, ministre e Drejtësisë, mori sot nga ambasadorja amerikane, Yuri Kim. Ambasada Amerikane u tha mediave se ambasadorja Kim kishte kërkuar nga ministrja Gjonaj “të vazhdonte të njëjtin kurs me reformën në drejtësi”.
Gjonaj është kallëzuar në SPAK nga presidenti Ilir Meta, i cili e akuzon se ka bashkëpunuar në atë që e quan “grusht shteti” të mazhorancës për kontrollin e Gjykatës Kushtetuese.
Vasili thekson se “çdo alibi e mbështetje për falsifikatoren e qeverisë në emër të reformës në drejtësi, është asgjësimi i qëllimit të vetë reformës”.
Reagimi i plotë
Etilda zero rol ne reformen ne drejtesi, por rol kryesor si falsifikatore!
Etilda, pra Ministria e Drejtesise, ka zero rol ne Reformen ne Drejtesi.
Zero eshte roli i Ministrise se Drejtesise i percaktuar qarte ne te gjitha ligjet e Reformes ne Drejtesi.
Keto ligje te cilet jane te shkruar ne shqip dhe Anglisht…pra mund ti lexojne pa problem edhe shqiptaret edhe nderkombetaret bile edhe ambasadoret….!!
Komisioni i Venecias ka qene asgjesues ne opinionin e tij per Reformen ne Drejtesi dhe kerkonte prere qe Ministria e Drejtesise te mos kishte asnje karrige ne qeverisjen e gjyqesorit dhe ne asnje nga institucionet e reja te gjyqesorit.
Ja çfare thoshte Komisioni i Venecias:
“Roli i ministrit të Drejtësisë në Inspektoratin e Lartë të Drejtësisë dhe në Këshillin e Lartë Gjyqësor duhet të rishikohet, në mënyrë që të shmangë konfliktin e mundshëm të interesit. Rregullimet duhet të rishqyrtohen për të hequr konfliktin e mundshëm të interesit.
Ministri i Drejtësisë nuk duhet të ketë karrige në gjykatën disiplinore”,
thekson Komisioni i Venecias.
Ndersa si super falsifikatore ne funksion te rrembimit te Gjykates Kushtetuese Etilda ka vertet rol kryesor.
Falsifikimet e saj jane jo vetem shume te renda,por njeherazi edhe shume te trasha.
Dokumentet flagrante te falsifikimit kriminal, per rrembimin e kompetencave te Presidentit per Gjykaten Kushtetuese, i njeh dhe i di edhe shqiptari me i fundit.
Ndaj mbi Etilden rendojne 4 vepra penale, per te cilat ajo eshte e kallezuar ne SPAK.
Çdo alibi e mbeshtetje per falsifikatoren e qeverise ne emer te reformes ne drejtesi eshte asgjesimi i qellimit te vete reformes, per drejtesi te barabarte per te gjithe duke filluar nga ministri e deri tek qytetari me i thjeshte.
