Pas helmimit të disa nxënësve në shkollën e mesme “Janaq Kilica” në qytetin e Fierit, të cilët u dërguan me urgjencë në Spitalin Rajonal ka folur për mediat mjeku toksikolog Lulzim Banushaj.
Ai shpjegoi se nxënësit kanë pasur simptoma si lotim të syve, kollë, vështirsi në frymëmarrje, por jo raste të rënda, pasi nuk janë intoksinuar rëndë. Përveç këtyre nxënësit kanë shfaqur simptoma me shqetësime psiko-emocionale, gjendje stresi dhe ankthi të cilat u janë krijuar nga situate që po përjetonin. Por mjeku shprehet se asnjë nga këto simptoma nuk kanë rrezik për jetën.
“Nxënësit kanë pasur simptoma si lotim i syve, kolla, me vështirësi në frymëmarrje, por në tërësi rastet nuk kanë qenë të rënda. Janë raste nën mesataren, jo intonksinuar rëndë. Kjo është një lloj lënde që jep efekte negative tek rrugët e frymëmarrjes, si lotimi i syve, teshtima etj. Por janë simptoma që nuk kanë rrezik për jetën.
Jo të gjithë pacientët e paraqitur ishin të intoksikuar, për arsye se një pjesë e tyre ishin edhe me shqetësime psiko-emocionale, gjendje stresi dhe ankthi, ndoshta të krijuara edhe nga momenti. Pacientët kanë probleme me gjendjen psiko-emocionale dhe duhet të qetësohen deri në fund”, deklaroi mjeku Lulzim Banushaj./Fjala.al
