Trajneri i kombëtares së Shqipërisë, Edi Reja ka zbuluar disa detaje të reja në lidhje me futbollistët që dot ftohen për ndeshjet miqësore të përfaqësueses sonë me Slloveninë dhe San Marinon.
Duke folur për “RTSH Sport” menaxheri i Kombëtares ka thënë se dy sulmuesit shqiptar që janë duke shkëlqyer në kampionatet ku po aktivizohen momentalisht, Armando Broja te Chelsea dhe Florian Kamperi të Rangers si dhe mbrojtësi i Veronës Marash Kumbulla do të provohen në këto takime.
Tekniku italian theksoi faktin se Kumbulla, do të jetë titullar në njërin prej takimeve miqësore.
“Do të provoj disa futbollistë të rinj gjatë dy ndeshjeve miqësore (Slloveni dhe San Marino). Do të jenë të pranishëm Broja dhe Kamberi. I kam parë me vëmendje gjatë kësaj periudhe. Po mendoj të aktivizoj futbollistë të moshës së re, kryesisht të datëlindjes 1999-2000. Megjithatë, do të pres derisa të luhen dhe disa takime në mënyrë që të përgatisë listën e lojtarëve të grumbulluar.”-deklaroi Reja.
Ndërsa për yllin e Veronas, tekniku shtoi se e ka ndjekur në stërvitje dhe se do jetë titullar në një takim të përfaqësueses shqiptare.
“Po bën një sezon shumë të mirë me Veronën. E kam parë dhe në stërvitje me Veronën. E di që atë dhe Amir Rrahmanin i kërkoi Napoli, por Kumbulla donte të mbyllte sezonin me Veronën dhe pastaj të mendonte për të ardhmen. Ai do të luajë si titullar në njërin prej takimeve miqësore, por do ta vendos vetë se kundër kujt do të luajë”,-tha ndër të tjera Edi Reja./Fjala.al/
