Jonida Vokshi dhe bashkëshorti i saj, regjisori Besnik Krapi kanë folur rreth marrëdhënies së tyre pas martese, në emisionin ‘Soiree’. Aktorja ka treguar se në punë, bashkëshorti i saj është shumë i rreptë. Ajo ka treguar se nuk ka asnjë lloj privilegji, madje në disa raste paguhet më pak.
“Jam gëzuar shumë që rastisi që ishte jo vetëm i fushës sime, por zgjodhi të jetë dhe të investojë në produksion, por nuk më rezultoi fare ashtu. Të punosh me Besnikun është e tmerrshme. Nuk njihet, është totalisht tjetër gjë, i them të më mbajë pak me hatër, nëse flasim për honoraret kur unë duhet të jem e privelegjuar sepse në darkë me mua fle, por absolutisht jo. Kaq meriton thotë dhe do ta bësh këtë rolin. Nuk kam asnjë lloj benefiti, përveçse vetëm kritika. Për mirë por…është shumë i keq në punë, nuk e them vetëm unë…”- është shprehur Jonida Vokshi për bashkëshortin e saj.
Në lidhje më këto fjalë, ka reaguar dhe bashkëshorti I saj, Besnik Krapi. Ai ka treguar se disiplina për një producent është një gjë e domosdoshme, dhe të gjithë duhet të trajtohen të barabartë.
“Disiplina absolute, s’ka rëndësi nëse është Jonida Vokshi apo ndonjë tjetër, për producentin nuk duhet të ketë asnje lidhje ajo punë, sa më të barabartë i trajton njerëzit aq më e mirë është ajo punë,”- është shprehur nga ana tjetër Besniku.
Çifti është në pritje të fëmijës së tyre të parë.
