Shkolla ‘Janaq Kilica’ është përfshirë sërish nga kaosi teksa një nxënëse merret me ambulancë. Vajza është ndjerë keq dhe është dërguar në spitalin e Fierit.
Nga ana e tyre prindërit janë traumatizuar duke kërkuar që fëmijët të dalin nga shkolla pas asaj që ka ndodhur dy herët e fundit me helmimin e 60 nxënësve të këtij gjimnazi.
Para dyerve të këtij gjimnazi kanë mbërritur dy ambulanca si dhe familjarët e tyre pasi menduan se mund të ndodhte ndonjë ngjarje si ajo e ditës së mërkurë.
Gjithsesi rasti i vajzës nuk ishte helmim, por i kishte rënë të fikët për shkaqe të tjera ende të panjohura.
Nga ana e tyre prindërit kanë kërkuar që të nxirren jashtë të gjithë nxënësit pasi i frikësohen një helmimi tjetër. Ata kanë tentuar të hyjnë me forcë brenda në shkollë duke kërkuar të dalin të gjithë nxënësit nga mësimi dhe dëgjohen teksa ulërinin.
Në videon më poshtë, mund të shihet momenti kur drejtoresha e Zyrës Arsimore në Fier, Yllka Beci është shprehur se vajzës që i kishte rënë të fikët është shtatzënë.
