Kapiteni i Kukësit Besar Musolli është bashkuar skuadrës gjatë seancës së sotme stërvitorte, pas një mungese që nga ndeshja me skuadrën e Teutës, ku u dëmtua.
Verilindorët janë duke u përgatitur për ndeshjen e radhës ku përballë do të kenë Skënderbeun e Ilir Dajës, pas katër ndeshjeve me rezultate jo të pëlqyeshme.
Përmes një postimi në faqen zyrtare në “Instagram” klubi verilindor ka bërë me dije rikthimin në fushë të kapitenit të skuadrës.
“Skuadra ka zhvilluar sot stërvitjen e radhës për ndeshjen e së hënës ndaj Skënderbeut. Me grupin është bashkuar edhe kapiteni Besar Musolli i cili ka lënë pas dëmtimin e pësuar ndaj Teutës dhe ka punuar me skuadrën!”-shkruhet në postimin e Kukësit./Fjala.al/
