Presidenti Ilir Meta ka ndjekur nga afër sot pasdite në Shkodër, ndeshjen Vllaznia-Tirana në basketboll për meshkuj. Sapo kreu i shtetit është shfaqur në pallatin e sportit “Qazim Dervishi”, tifozët kanë thirrur në kor: Rama ik.
Meta ishte i pranishëm me kryetaren në detyrë të bashkisë së Shkodrës, Voltana Ademi.
Para fillimit të takimit, Meta ka zbritur në parket duke takuar lojtarët e të dyja skuadrave si edhe stafet drejtuese, dhe në këtë çast, dëgjohen thirrjet: “Rama ik!”
Me një shënim në facebook, Presidenti ka postuar edhe foto nga Pallati i Sportit së bashku me Voltana Ademin, të cilës i referohet si kryebashkiakja e Shkodrës.
“Edhe pak minuta për të shijuar derbin Vllaznia-Tirana në basketboll meshkuj, bashkë me Kryetaren e Bashkisë, znj.Voltana Ademi. I lumtur të shoh kaq shumë sportdashës!”, shkruan Meta në facebook.
