(Foto ilustruese)
Të paktën 50 refugjatë sirianë raportohet se kanë mbërritur gjatë natës së djeshme dhe mëngjesit të sotëm në territorin shqiptar. Ata kanë hyrë nga kufiri i Shqipërisë me Greqinë, në zonën e Gjirokastrës.
Greqia po përballet me një fluks shumë të madh refugjatësh sirianë, pas vendimit të Turqisë për të hapur kufijtë dhe për të lejuar nisjen e tyre drejt Evropës. Autoritetet shqiptare nuk kanë njoftuar për asnjë masë shtesë në kufirin në jug të vendit.
Mësohet se 50 refugjatët sirianë janë strehuar në qendrën e pritjes që ndodhet 2 km në veri të qytetit të Gjirokastrës.
Pak ditë më parë u raportua se Qeveria planifikon ngritjen e 6 qendrave pritëse për refugjatët sirianë, të cilat do të ngrihen kryesisht në zonat e Gjirokastrës dhe Korçës, por edhe në Lezhë.
