Një djalë teksa udhëtonte me tren ka pasur një zënkë me një grua e cila ishte ulur përballë tij dhe kollitej pa e mbuluar fytyrën me duar.
Gruaja është filmuar teksa qëllimisht kollitet afër djalit disa momente pasi ai i kërkoi asaj me qetësi të mbulonte gojën në momentin që kollitej.
Videoja është kapur nga gazetari i ABC, Andy Park të hënën në mëngjes në trenin ndërkombëtar të Sidneit.
Djali më pas zemërohet dhe i thotë gruas: “Unë ju kërkova me mirësjellje ju lutem, të mbuloni gojën”.
“Këshillat e qeverisë janë që të mbuloni gojën kur kolliteni dhe jo të kolliteni me gojë hapur si vepruat ju”.
Australianët janë duke u shqetësuar gjithnjë e më shumë mes shpërthimit të koronavirusit, veçanërisht pasi supermarketet janë boshatisur nga të gjitha produktet.
Ka pasur të paktën 87 raste të konfirmuara të koronavirusit në Australi, përfshirë tre persona që kanë vdekur, ndërsa më shumë se 109,000 njerëz janë infektuar globalisht.
Autoritetet besojnë se situata do të përkeqësohet para se të përmirësohet, dhe sëmundja ka potencialin të infektojë dhjetëra mijëra njerëz.
Në nivel global, të paktën 3,802 njerëz kanë vdekur nga koronavirusi – kryesisht në territorin e Kinës, nga origjina e shpërthimit./Fjala.al/Burimi:DailyMail
