Ministrja e Shëndetësisë, Ogerta Manastirliu ka dalë në një komunikim për mediat ku ka bërë me dije masat e marra në çdo qendër spitalore, pas konfirmimit të dy rasteve me koronavirus në vendin tonë.
Manastirliu ka bërë me dije se do të ndalohen të gjitha ndërhyrjet kirurgjikale të planifikuara, përveç rasteve kur ato janë urgjente.
Më tej ajo ka shtuar se do të ndalo0hen vizitat e pacientëve në spitale me përjashtim të rasteve kur vjen me kërkesë nga Drejtoria Spitalore.
Ndër të tjera ministrja shtoi se nuk do të lejohet eksporti i barnave, në mënyrë që në vend të ketë rezerva të mjaftueshme për të përballuar këtë situatë.
“Ndalimin e eksporteve për barnat në mënyrë që të sigurojmë sa më shumë rezerva në vend.
Do ndalohet hyrja e shoqëruesve dhe të familjarëve në urgjencë dhe në spitale të tjera me përjashtim të rasteve kur vjen kërkesë nga Drejtoria Spitalore. Është shumë e rëndësishme të zbatojmë rregullat për parandalimin e koronavirusit. Ka qenë një rregull për oraret, por tashmë do të ketë një kufizim të vizitave vetëm me kërkesë të Drejtorisë Spitalore.
Njoftojmë ndalimin e ndërhyrjeve kirurgjikale të planifikuara, duke përjashtuar ato të urgjencave. Këto masa nuk cënojnë shëndetin e qytetarëve, por vendosin rregulla për të forcuar masat dhe për të siguruar garanci për ata që po marrin kujdes shëndetësor.”-deklaroi Ogerta Manastirliu./Fjala.al/
