Paris Saint-Germain do të presë Borussia Dortmundit në kuadër të fazës se 1/8 të finales së Champions League.
Më 11 mars parisienët do të ndeshen me gjermanët në një takim që është vendosur të zhvillohet pa tifozë.
Ky vendim ka ardhur nga Policia e Francës për shkak të përhapjes në masë të madhe të koronavirusit dhe rritjes së viktimave e të prekurve.
Klubi i PSG-së ka njoftuar se do të respektojë vendimin e Policisë së Francës dhe se do ta zhvillojë ndeshjen ndaj Dortmundit pa prezencën e tifozëve.
Klubi parisienë ka njoftuar tifozët që kanë blerë bileta për këtë takim se së shpejti do të dalin me një njoftim të radhës për t’i bërë ata me dije për proceduarat se si t’u rikthehen paratë e shpenzuara.
PSG duhet të përmbysë rezultatin e Dortmundit pa ndihmën e tifozëve në “Parc de Princes”, pasi në takimin e parë gjermanët fituan me shifrat 2-1./Fjala.al/
