Koronavirusi ka mbërritur dhe në Iran, i cili i ka dhënë leje të përkohshme 70 mijë të burgosurve, për të evituar përhapjen e mëtejshme të koronavirusit. Këtë njoftim e ka bërë shefi i gjyqësorit të Teheranit, Ebrahim Raisi.
Javën e shkuar u njoftua transferimi në arrest shtëpie i 54 mijë të burgosurve. Sipas të dhënave të qeverisë, Republika Islamike është vendi i tretë në botë për numrin e viktimave, me 194 të vdekur të konfirmuar deri tani.
‘Lëshimi i të burgosurve do të vazhdojë, me kusht që të mos krijohen pasiguri në shoqëri’, ka deklaruar Raisi.
