Një prej dy personave të infektuar me koronavirus në Shqipëri ka pranuar se ka marrë pjesë në një ceremoni mortore pak ditë më parë. Lajmi u dha nga gazetarja Beti Njuma gjatë emisionit ‘360 gradë’ në Ora News.
“Do të doja të jepja një informacion të fundit, e kam të konfirmuar nga mjekët e spitalit Infektivit. Një nga dy të infektuarit me kronavirus ka deklaruar se ka marrë pjesë në një ceremoni mortore disa ditë më parë. Çka mund të shtojë edhe rrezikun e kontaminimit të personave të tjerë. Po ashtu ai ka edhe një bar-kafe ku mund të kenë shkuar banorët e zones”, u shpreh gazetarja Njuma.
Ndërkohë babë e bir me mbiemër Kola janë dy personat e konfirmuar si të infektuar me koronavirus. Djali konsiderohet si ‘pacienti 0’ në Shqipëri dhe autoritetet thonë se kanë kontaktuar me personat që janë takuar me dy të infektuarit.
-E gjithë Italia në karantinë, kryeministri Conte njofton vendimin ekstrem
