Kreu i Partisë Demokratike Lulzim Basha nuk i ka ndaluar kritikat ndaj kryeministrit Rama as në një kohë kur vendi po përballen me situatën emergjente të koronavirusit.
Përmes një postimi në Tëitter, Basha shprehet se maskat e skaduara nuk mund të jenë masë mbrojtëse për personelin mjekësor, ndërsa i bën thirrje Ramës që të sigurojë jetën e qytetarëve.
Kreu i opozitës thotë mes të tjerash se kryeministri Rama e pranoi më në fund që maskat ndaj koronavirusit janë të skaduara.
Sipas Bashës, situata është emergjente dhe kërkon përgjegjshmëri, “jo shfaqje me maska të skaduara mbi fytyra të skaduara”.
“Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojrat e fjalëve dhe fokusohu tek problemi kryesor që kanë sot shqiptarët. Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara”, shkruan Basha.
Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara.
— Lulzim Basha (@lulzimbasha_al) March 10, 2020
