Ndërkohë që numri i personave të infektuar me koronavirus ka arritur në 10, një prej tyre është shtruar në spitalin e Durrësit. Drejtuesit e Ministrisë së Shëndetësisë u pyetën disa herë se cili është historiku i pacientit në Durrës dhe se ku e ka marrë koronavirusin, por nuk dhanë përgjigje.
Autoritetet nuk mund të thonë tani nëse pacienti ka qenë jashtë Shqipërisë apo është infektuar brenda vendit.
Nga katër personat e konfirmuar sot si të infektuar, dy prej tyre kanë lidhje me dy personat e parë të identifikuar me koronavirus, ndërsa dy të tjerë nuk kanë patur kontakte me ta.
Zv.ministrja e Shëndetësië vuri në dukje faktin se shumë njerëz nuk po marrin parasysh këshillat dhe vijojnë të qëndrojnë në ambiente të populluara. Ajo kërkoi shmangien e kafeneve dhe restoranteve për të bërë të mundur mos-përhapjen e koronavirusit.
