Shumë të famshëm janë parë teksa kanë vendosur dorashka në përpjekje për tu mbrojtur nga koronavirusi por ekspertët kanë këshilluar njerëzit të mos ndjekin shembullin e tyre.
Organizata Botërore e Shëndetit ka thirrur të gjithë anëtarët e publikut që t’i japin përparësi higjienës personale duke larë duart vazhdimisht dhe mos të përdorin mënyra të tjera joefikase siç është përdorimi i dorashkave.
Dr. Claudia Pastides tha se virusi mund të përhapet edhe përmes dorashkave. ‘Dorezat ofrojnë një ndjenjë të rreme të sigurisë dhe i bëjnë njerëzit më pak të predispozuar për të larë duart me sapun dhe ujë, që është gjëja më e rëndësishme për të bërë ‘, tha më tej ajo.
Dr Pastides tha: ‘COVID-19 përhapet në 2 mënyra. Së pari, përmes thithjes së pikave të mbushura me virus që lëshohen kur personat e infektuar flasin, kolliten dhe teshtijnë dhe së dyti, kur njerëzit prekin një sipërfaqe me pikat e mbushura me virus mbi të dhe pastaj vendosin dorën në gojën, sytë ose hundën.
‘Veshja e dorezave do të parandalojë që pikat që mbartin virusin të mbërrijnë në lëkurën e duarve, por ato akoma mund të rezistojnë dhe të përhapen me doreza. Nëse prekni hundën / sytë ose gojën me doreza, ende rrezikoni të infektoheni./Fjala.al/Burimi:DailyMail
