Asgjë për të bërë për Maltën, sondazh për Shqipërinë.
Kampionati italian mund të pezullohet të martën, por tani për tani Champions League nuk ndalet. Në këto orë po diskutohet për të ardhmen e skuadrave italiane që garojnë në garat evropiane, në veçanti përqendrimi është te ndeshja Juve-Lyon, kthimi i raundit të 16-të të Champions League.
Ndeshja e 17 Marsit mbetet për momentin e planifikuar në “Stadiumin Allianz” pas dyerve të mbyllura, por Juve ditët e fundit ka bërë një studim për të zbuluar nëse mund të transferojë lojën në Maltë. Vendi i identifikuar ishte stadiumi “Ta ‘Qali”, por përpjekja rezultoi e pasuksesshme raporton “ViSport”.
Kjo është deklarata e Federatës së Futbollit Maltez: “Sa i përket zërave gazetareskë mbi mundësinë që Juventus-Lyon të luhet në Maltë, Shoqata e Futbollit në Maltë dëshiron të deklarojë se janë bërë kontakte informale me drejtuesit e shoqatës, por, në çdo rast nuk është mundur që tifozët italianë të udhëtojnë për në Maltë dhe se duhej respektuar direktivat e autoriteteve shëndetësore të Maltezisë.
Që nga atëherë nuk ka pasur zhvillime. Federata dëshiron të sqarojë se kjo mundësi tashmë është hedhur poshtë. Për më tepër, është e drejtë të thonë se vetëm klubi dhe UEFA mund të japin deklarata zyrtare në lidhje me lojën “. Tuttosport tani flet për të luajtur në Tiranë, Shqipëri.
Megjithatë ndonëse duket tunduese sjellja e tifozëve italianë në Shqipëri do të ishte po ashtu shumë e rrezikshme në përhapjen e këtij virusi, duke ditur që tashmë janë konfirmuar plot 6 raste dhe në vendin tonë./Fjala.al/
