Ministrja e Shëndetësisë, Manastirliu ka folur sot për situatën në vend dhe ka dhënë masat që duhet të ndërmerren. Ndër të tjera ajo tha se është shumë e rëndësishme që në bare dhe restorante tavolinat të jenë në 2 metra distancë, kurse stafi duhet të rrijë të paktën një metër distancë nga njerëzit.
Institucionet duhet të përdorin shërbimet online, ato që kanë mundësi për ta bërë këtë. Manastirliu përmendi dhe shërbimin postar duke theksuar se ata duhet të hartojnë një plan masash për të shmangur grumbullimet e publikut nëpër sportele.
“Të gjithë pensionistëve do t’u dërgohen pensionet në shtëpi me kosto zero, dhe do ndalohen kategorikisht aktivitetet sportive dhe kulturore. Detyrohen të gjithë personat që kanë hyrë në Shqipëri nga zona me risk të komunikojnë online këtë rethanë autoritet shëndetësor, ISHP-së, nëse nuk e kanë plotësuar skedën e udhëtarit kur janë kthyer në vendin tonë. Kush hyn në territorin tonë duhet ta plotësojnë këtë skenë.” tha Manastirliu.
