Rastet e personave të prekur nga korornavirusi në Gjermani janë rritur shumë dy ditët e fundit nga ku dyshohet se në klubin e Schalkes të jetë një i infektuar, ndonëse ende nuk ka asnjë njoftim zyrtar.
Sipas raportimeve të “Bild” mësohet se fillimisht u dyshua për një punonjës të një dyqani të klubit në fjalë dhe më pas të një tjetri në mensë. Megjithatë tashmë janë rritur akoma më shumë dyshimet, pasi po përhapen fjalë edhe për një lojtar që mund të jetë prekur nga virusi vdekjeprurës.
Ky mbetet ende një aludim, ndërsa drejtuesit blu nuk kanë lejuar asnjë gazetar t’i afrohet selisë të klubit. Lojtarëve nuk u lejohet që të dalin fare, pra në një farë mënyre duke i karantinuar, ndërsa takimi i radhës që do zhvillohet ndaj Borussia Dortmund do jetë me dyer të mbyllura.
Nuk është konfirmuar ende gjë për shtyrjen e derbit, por nëse ky lajm rezulto të jetë i vërtetë atëherë ndeshja në fjalë nuk do të luhet deri në një datë të dytë.
Ndonëse do ketë një kosto të madhe financiare për klubet e Bundesligës, në ditët në vijim pritet që klubet të mblidhen dhe të diskutojnë për vazhdimësinë e kampionatit, i cili rrezikon edhe pezullimin deri më 3 prill./Fjala.al/
