Komiteti i Emergjencës brenda Federatës Shqiptare të Futbollit ka bërë me dije se është anuluar grumbullimi i Kombëtareve të grupmoshave që ishin planifikuar të zhvillonin ndeshje në muajin mars.
Ky lajm është bërë publik nga FSHF-ja përmes një njoftimi në faqen zyrtare të Federatës, e cila thekson se vendimi në fjalë është marrë pasi koronavirusi është duke u përhapur me ritme të shpejta dhe ka shkaktuar një situatë kaotike në vend.
Njoftimi i FSHF-së:
Komiteti i Emergjencës në Federatën e Futbollit, në vlerësim të situatës së fundit të krijuar në vendin tonë dhe në vijim të konsultimeve me specialistët përkatës, ka vendosur anulimin e grumbullimeve dhe sfidave miqësore që ishin planifikuar për kombëtaret e moshave, si më poshtë:
U – 15grumbullim rutinë, mes datave 16-20 mars;
- U-19, grumbullimi në Shqipëri në datat 24-31 mars 2020, lidhur me dy ndeshjet miqësore me Kosovën. Ndeshjet ishin parashikuar të luheshin në datat 29 dhe 31 mars 2020, dhe ky vendim merret në mirëkuptim me Federatën e Futbollit të Kosovës;
- U-20 grumbullim rutinë dhe miqësore me ekipet brenda Shqipërisë mes datave 25-30 mars 2020./Fjala.al/
