Koronavirusi ka infektuar 15 persona në Shqipëri. Si rrjedhoje, institucionet shtetërore kanë ndërmarrë masa për parandalimin e infektimit me koronavirus, duke ndaluar aktivitetet që përfshijnë shumë njerëz.
Procesi mësimor në të gjitha nivelet është pezulluar si në Kosovë ashtu edhe Shqipëri, gjersa janë marrë masa konkrete edhe për klubet e natës, pishinat dhe lokalet.
I detyruar nga kjo situatë, edhe reperi Noizy ka njoftuar se ka mbyllur përkohësisht lokalin e tij.
E gjitha kjo ka ndodhur për shkaqe të sigurisë ndaj qytetarëve, të cilëve u sugjerohet që të qëndrojnë sa më të izoluar në këto ditë të vështira.
https://www.instagram.com/p/B9mpYTEpOfP/?utm_source=ig_embed
“Njoftim! Për arsye të sigurisë suaj, duke filluar nga nesër, ZINS do të mbyllet deri në një njoftim të dytë. Mbroni veten dhe të afërmit tuaj. Ju urojmë fat dhe shëndet, Frikë jo, kujdes po”, shkruhet në njoftimin e reperit.
