Një shtëpi private është përfshirë nga flakët mëngjesin e sotëm në kryqëzimin e rrugës së “Dibrës me atë të “Barrikadave’ në Tiranë.
Nga informacionet paraprake të policisë mësohet se brenda banesës së përfshirë nga zjarri, që është në pronësi të shtetasit K.A, ndodhej dhe një fëmijë brenda.
“Ai u nxor në mënyrë të menjëhershme nga punonjësit e Komisariatit Nr.4, dhe ndodhet në gjendje të mirë shëndetësore”- thuhet në njoftimin e policisë.
Njoftimi i policisë:
Më datë 11.03.2020, rreth orës 07:05, në rrugën e “Dibres” në kryqëzim me rrugën e “Barrikadave”, ka rënë zjarr në banesën 1-katëshe të shtetasit K.A, ku ishte një fëmijë brenda, i cili u nxor në menyrë të menjehershme nga punonjësit e Komisariatit Nr.4, dhe ndodhet në gjendje të mirë shendetsore.
Në vendngjarje gjithashtu ndodhen forcat zjarrfikëse, ku u bë e mundur dhe fikja e zjarrit. Nga zjarri nuk ka pasoja në njerëz, vetëm deme materiale.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes./Fjala.al/
