Kryeministri Edi Rama ka filluar t’i dërgojë mesazhe qytetarëve shqiptar ku i kërkon që të mos frikësohen, por të tregohen të kujdesshëm për të mos u infektuar apo përhapur koronavirusin.
Rama u shkruan qytetarëve për masat që duhet të marrin ata vetë dhe për kujdesin që duhet të tregojnë në një situatë të tillë.
“Edi jam! Të lutem laj duart shpesh. Mos lëviz nga shtëpia për qejf. Hap dritaret sa të mundesh. Ruaju nga informacioni i rremë. Mos ki frikë, po bëj shumë kujdes. Për çdo shenjë merr 127. Të përqafoj nga larg!”-thuhet në mesazhin që kreu i qeverisë ka filluar t’u dërgojë qytetarëve.
Ky veprim i Ramës erdhi pas një sërë masash dhe vendimesh që ai ka marrë së fundmi për të parandaluar përhapjen e mëtejshme të virusit të rëndë, në një kohë kur deri më tani në disa qytetet të Shqipërisë janë konfirmuar plot 23 raste të prekurish, ndërsa ditën e djeshme u shënua viktima e parë në spitalin e Durrësit, që ishte një grua 73-vjeçare./Fjala.al/
PARANDALO, MOS RREZIKO VETEN DHE TË AFËRMIT NGA KORONAVIRUSI
