Lajmi se lojtari i Juventusit Daniele Rugani ka rezultuar pozitiv ndaj koronavirusit tronditi gjithë botën e sportit, por jo vetëm.
Kjo gjë bëri që klubi bardhezi të izolohej në mënyrë të menjëhershme, por njëkohësisht të njëjtën gjë ka bërë edhe ai i Interit, pasi zikaltërit u ndeshën me të vetëm para 4 ditësh.
Për herë të parë ka reaguar edhe lojtari i prekur i bardhezinjëve, për të qetësuar të gjithë tifozët.
Ndërkohë vetë Rugani ka reaguar përmes rrjeteve sociale, ku ka thënë se është mirë dhe fton të gjithë qytetarët që të ndërgjegjësohen dhe të bëjnë kujdes për të respektuar rregullat.
“Ju do të keni lexuar lajmet dhe kjo është arsyeja pse unë dua të siguroj të gjithë ata që shqetësohen për mua, unë jam mirë. Unë u bëj thirrje të gjithëve që të respektojnë rregullat, sepse ky virus nuk bën asnjë dallim! Le ta bëjmë atë për veten tonë, për të dashurit tanë dhe për ata që na rrethojnë”-ka shkruar në postimi e tij Rugani./Fjala.al/
