Kryeministri Edi Rama ka bërë të ditur se nga nesër do të mbyllen edhe bizneset fasonë se bashku me call-center.
Sipas kryeministrit këto biznese do të qëndrojnë të mbyllura deri në një lajmërim të dytë të qeverisë. Në të kundërt, sipas kreut të qeverisë këto biznese do të paguajnë të gjitha kostot nëse nuk marrin përsipër që të mbrojnë punonjësit e tyre.
“Kjo mase e skajshme është për t’i dalë përballë në këtë hap tjetër kësaj sfide dhe për ta ngadalësuar shtrirjen e armikut ne territorin.
Sot kemi ndërmarrë një sërë inspektimesh në kompanitë fason dhe Call Center që do jenë të mbyllura njësoj si të tjerat nesër dhe deri në fund të këtij afati, por janë të detyruara te respektojnë të gjitha distancat teknike të sigurisë dhe elementet e sigurisë për çdo punonjës.
Kur të rifillojnë aktivitetet, do të konstatohet në rast se nuk kanë kryer të gjitha detyrimet për të mbrojtur veten, punonjësit, e të gjitha familjet e kontaktet e tyre, jo vetëm që do të mbyllen por do të marrin përsipër çdo kosto të kësaj mbyllje se në këtë rast është vetëm neglizhenca e tyre.
Ne do ta mundim duke qenë bashkë, duke mos e parë asnjë ndarje mes qytetarit dhe shtetit. Qytetar dhe shtet sot jemi një popull që përbëhet nga një familje”, u shpreh Rama gjatë një komunikimi në Facebook.
