Të gjithë u tronditën kur doli lajmi se menaxheri i skuadrës së Arsenal-it, Mikel Arteta ka rezultuar pozitiv ndaj testit të koronavirusit.
E gjithë bota është në gjendje pandemie dhe në shumë vende nga virusi i rëndë janë prekur numër i konsiderueshëm lojtarësh, presidentësh klubesh e trajnerësh.
Ndërkohë gjatë mbrëmjes të së enjtes Arsenal konfirmoi se edhe trajneri i tyre ka dalë me koronavirus. Klubi londinez ka futur gjithë stafin, duke përfshirë zyrtarë e futbollistë në izolim.
Tekniku spanjoll ka thënë se është i zhgënjyer me rezultatin pozitiv, por ishte i detyruar ta bënte testin pasi ishte ndjerë keq.
“Kjo që më ka ndodhur vërtetë është shumë zhgënjyese. E bëra testin pasi u ndjeva keq. Duhet t’i ndjek udhëzimet tani dhe shpresoj të rikthehem sa më shpejtë në punë”,- tha trajneri i Granit Xhakës për faqen zyrtare të klubit.
Megjithatë deri më tani Premier League, kampionati më i madh i futbollit në Angli nuk ka marrë asnjë masë dhe ndeshjet janë duke u zhvilluar me dyer të hapura, ndërsa për shtyrjen e tyre nuk bëhet fjalë./Fjala.al/
PARANDALO, MOS RREZIKO VETEN DHE TË AFËRMIT NGA KORONAVIRUSI
