Një imazh që vlen sa një mijë fjalë. E realizuar nga artisti Franco Rivolli, piktura gjigante shfaqet prej ditës së sotme në murin e jashtëm të spitalit Papa Giovanni në Bergamo, në një nga provincat më të prekura në Itali nga koronavirusi.
Si një mënyrë për t’i thënë “Faleminderit” të gjithë atyre mjekëve dhe infermierëve që aktualisht po kujdesen për të prekurit nga virusi Covid-19.
Sikundër mund të shikohet, portretizohet një infermiere me një maskë, ndërkohë që në krah mban si një foshnje të brishtë hartën e Italisë.
Risjellim në vëmendje se deri më tani numri i viktimave nga koronavirusi në Itali ka shkuar në 1,016, ndërsa i të infektuarve mbi 15 mijë.
Fjala.al
