Veç Tiranës e Durrësit, edhe qytete të tjera, si Korça, Pogradeci apo Lushnja kanë kufizuar lëvizjet. Ndërkohë, qytetarët në mënyrë vullnetare i janë bindur këshillave duke qëndruar Brenda në shtëpi, raportojnë korenspodentët e Ora Neës.
Korça është zgjuar mëngjesin e të premtes në heshtje. Qytetarët, ndonse ende në juglindje nuk është shpallur zona e karantinës, qytetarët kanë marrë masa praprakisht.
Qytetarët janë sensibilizuar. Ata kanë zgjedhur të shmangin lëvizje në rrugë apo daljet në kafene. Mëngjesine të premtes Korça është e zbrazët dhe shumë pak njerëz sheh të lëvizin në rrugë.
Shumë lokale dhe subjekte biznesi i janë përgjigjur pozitivisht thirrjes për mbyllje dhe kanë bërë diçka të tillë. Klubet, lokalet, restorantet, hotelet dhe bujtinat kanë mbyllur aktivitetin ndërsa autoritetet lokale vijojnë me dezinfektimet.
Masat vijojnë të jenë të pranishme edhe në pikat kufitare të juglindjes ndërsa deri më tani nuk është shënuar asnjë rast me virusin Covid19. Ndërsa Bashkia Korcë dhe autoritetet e tjera vijojnë të lëshojnë apel pëe të qëndruar në shtëpi.
Edhe qyteti liqenor në juglindje të vendit është më bosh se kurrë më parë. Njerzit janë duke qëndruar në shtëpi duke iu përgjigjur apelit të instancave lokale. Askush nuk lëviz apo të bëjë edhe gjimnastikën e mëngjesit. Rrugët dhe parqet janë bosh. Duket sikur braktisja ka përfshirë gjithçka. Frika nga virusi është kudo.
PARANDALO, MOS RREZIKO VETEN DHE TË AFËRMIT NGA KORONAVIRUSI/Fjala.al
